LANTAR-MAGANADISU

 

Wani muhimmin al'amari da yake shima babban ginshiki ne wanda Allah ya samar domin tafiyar da rayuwa ta abubuwa masu rai da marasa rai, shine lantarki da maganadisu. A cikin surayul yasin Allah yana cewa

Q36:36" Tsarki ya tabbata ga Allah wanda ya halicci nau'i bibbiyu na abinda ke fita daga kasa, da su kansu (mutane) da ma abinda ba su sani ba"

Ya halicci dukkannin halittu a tsari mai biyu-biyu, wato babu wata halitta da bata da kishiya. Ba ma halitta da muka sani ba Allah na cewa a cikin abubuwa da ya halitta wadanda ma bamu sani ba duk wannan tsari na bibbiyu suke bi. Hikimar wannan shine domin Allah ya tabbatar wa kowa cewa shi kadai ne tilo da bashi da abokin tarayya.

Lantarki da maganadisu suna cikin hikimar Allah na tsara abubuwa bibbiyu, kuma suna daga cikin farkon abubuwan da Allah yafara halitta, domin dai bayan samar da kwayar zarra wadda ita ce bulon ginin kowacce halitta mai rai da mara rai, lantarki da maganadisu sune ginshikan da ke dauke da kwayar zarra. Kowacce kwayar zarra ta kasance wani dan dunkule ne da yafi kankanta cikin halitta, cikin wanan kwaya zarra akwai kuma wasu kananan abuwa da suka tattaru suka yi ta. Tamkar dai wata 'yar da'ira ce dake da tsakiyarta cunkushe da wasu kananan abubuwa da ake kira protons (wato masu dauke da cajin lantarki mai karbar wuta + positive charge) sannan kewaye da wannan tsakiya akwai wasu abubuwan da ke kewaya tsakiyar a matsanancin gudu su ake kira da electrons (wato su kuma suna da cajin lantarki mai bada wuta - negative charge). Kasancewar kwayoyin zarra suke tattaruwa su yi halittu masu rai da mara sa rai, ya sa cewa sammai da kassai na cike da cajin lantarkin nan guda biyu. Wannan caji na lantarki shi ke bada damar kwayoyin zarra su yi cudanya da juna. Idan kwayar zarra na da cajin lantarki mai karbar wuta (wato negative -) fiye da cajin da ke bada wuta (wato positive +) sai ace wannan kwayar zarra ta yi shirin bada wuta, amma idan cajin bada wuta yafi cajin karbar wuta sai a ce ta yi shirin karbar wuta. Amma yayin da cajin suka yi kunnen doki sai a ce babu caji kenan ko cajin na tsaye (static electricity). Misali idan ka gurza abubuwa daban-daban guda biyu, kamar mataji na shace kai a cikin gashin kanka wasu daga cikin cajin lantarki mai karbar wuta na cikin gashin kanka sukan yi tsalle su dafe matajin don haka shi matajin, saboda karuwar cajin da ya samu daga gashin kanka, ya zama mai cajin karbar wuta amma shi gashin kanka kuma ya zama caji mai bada wuta domin ya rasa wani daga cikin cajin sa. A duk lokacin da abubuwa guda biyu ke da mabanbantan cajin lantarki na karbar wuta da bada ita ,to wadanan abubuwa na zawarcin juna amma idan cajin su iri daya ne to suna guje ma juna. Idan abubuwan masu zawarcin juna suka sami saduwa har ta kai cajin lantarki daga daya zuwa daya ya samu, to idan aka sami gudanar wannan caji babu kakkautawa ta cikin wani abu (conductor-wato abubuwa dake barin lantarki ya ratsa ta cikin su ba tare da tare shi ba) sai ya haifar da gudanar lantarki (Current flow) amma idan abu ya hana lantarki wucewa shine ake kira da insulator. A duk inda cajin lantarki yake to yana samar da wani sarari kewaye da wajen da lantarkin ke motsi (electric field) shi kuma wannan sarari na lantarki sai ya haifar da sararin maganadisu (magnetic field). Haka kuma shima duk inda aka sami sararin maganadisu yana samar da sararin lantarki. Wannan auratayya tsakanin sararin lantarki da maganadisu sai ta haifar da wani sararin na lantar-maganadisu (electromagnetic field). Rana ita ce wurin da ya fi kowanne samar da wanan sarari na lantar-maganadisu kuma duk zaruruwan dake fita daga cikin rana igiyar lantar-maganadisu (electromagnetic waves) ke iso mana da su doron duniya, domin babu wani abu da ke da saurin wannan igiya a cikin halittun subhana wadanda muka sani a yanzu. Alaka tsakanin lantarki da maganadisu an fara gano ta ne cikin shekarar 1819 yayin da wani baturen Danmak ya gano cewa allurar maganadisu da ake amfani da ita wajen gane turken nahiyar arewacin duniya (North magnetic pole) tana iya motsawa duk lokacin da aka kawo wayar lantarki kusa da ita. Bayan wannan kuma sai wani mutumin faransa ya gano cewa wayoyin lantarki guda biyu suna mu'amala tamkar yadda mayen karfe guda biyu ke yi yayin da aka nemi hadasu. Sannan kuma shahararren masanin kimiyya na Birtaniya wato Micheal Faraday shima ya gano cewa za'a iya saka lantarki ya motsa ba tare da amfani da batir ba idan idan aka motsa maganadisu a wurin. A karshe kuma sai bajamushen nan Heinrich Hertz cikin shekarar 1887 ya gano cewa ai za'a iya samar da igiyar lantar-maganadisu ta hanyar amfani da lantarki wanda wannan yana daga cikin gagaruman abubuwan da Dan Adam ya gano da ya canza duniya har abada domin ya bada damar samar da rediyo, talabijin, rada, nau'ra mai kwakwalwa da sauran hanyoyin sadarwa. Shine yasa muke iya saurararon shirye-shirye na radio, talabijin, komfuta da waya kai tsaye daga sassan da ake watsa su tamkar muna wurin saboda igiyar lantar-maganadisu na tafiyar mil 186,000 a sakan daya yayin da nisan zagayen kwallon duniyarmu (Earth circumference) kilomita 40,000 ne kawai. A can cikin kwallon duniyarmu akwai wuta ta narkakken karfe da ke ci gagga-gagga, Allah na nuna mana irin wannan wuta lokaci-lokaci yayin aman wutar dutse (volcanic eruotions) ko girgizar kasa, wannan wuta ta haifar da sararin maganadisu a duniya. Saboda duniya na juyawa ya haifar da juwayar wannan narkaken karfe cikin tumbin duniya, shi yasa ake samun canzawar turken maganadisun duniya (magnetic poles) dake kusurwar kudanci da arewacin duniya (north and south magnetic poles). Wannan maganadisu kansa yana daga cikin rundunonin da ke kare doron kasa da halittu, domin shi wannan sararrin maganadisu da ya kewaye duniya yana hana wasu muggan zaruruwan sama'u (cosmic rays) da kuma guguwar rana (solar winds) daga isowa doron kasa kai tsaye. Ita wanan guguwa ta rana tana koro wasu abubuwa masu matsanancin cajin lantarki (charged particles) da kan iya kone duniya gaba daya, amma sai wannan sararin maganadisu na duniya ya tare su ya mayar da su sama. Yan kalilan daga cikin su da ke kubcewa su iso doron kasa su ke haifar lalacewar yanayin sadarwa wani lokaci ko kuma wani matsanancin haske mai launuka da ke faruwa a doron duniya na kudu da arewa (wato polar lights ko aurora).Wadannan turken maganadisu na duniya daya yana kusa da garin Greenland can arewacin turai dayan kuma yana cikin hamadar kankara ta Antarctica. Kafin gano amfanin lantar-maganadisu, mutanen da na amfani da turken maganadisu na arewacin duniya ta amfani da allurar mayen karfe (compass)wajen gane nahiyar arewa da masu tafiya a tudu da teku ke amfani da ita. Wannan na tabbatar da ayar da ke cewa

Q22: 65 "Shin ba ku gani ba cewa Allah ya hore maku (ku mutane) duk abin da ke duniya"

 

Comments

Post a Comment

Popular posts from this blog

HUJJOJIN TASHIN KIYAMA A KIMIYANCE

Image
Hausawa na cewa “komai ya ke da farko yana da karshe” haka nan cikin suratul Nasr Allah ya tunatar da mu cewa Q103:1-2 “Ina rantsuwa da lokaci (time) lalle ne mutum yana cikin hasara” Wadannan maganganu na sama, idan muka yi musu duba na nazari zamu gane cewa hakika duk wata halitta a doron kasa tana gaggawa ne izuwa karshenta. Yadda a farkon lokaci babu kowa haka ma za’a wayi gari komai ya kare wata rana. Cikin ginshikan imani, Allah ya wajabta yarda da ranar lahira kuma babu wani addini da bai jaddada haka ba, amma akasarin mutane na jayayya da cewa idan an mutu za’a tashi. Allah cikin hikimarsa ya bamu hujjoji na kimiyya a warwatse cikin Qur’ani wadanda suke tabbatar mana da cewa lallai kiyama gaskiya ce. Bari mu duba wadannan hujjoji daki-daki. A farko dai Allah ya fara da jan hankalin mu cikin suratul A’araf Q7:185 “Shin ba su yi duba ba a cikin tsarin sammai da kasa, da kuma dukkan abin da Allah ya halitta, kuma akwai alamun kasancewar ajalinsu, hakika, ya matso? To da wa...
Read more

WUTA

Image
Wuta, sinadari ce mafi mahimmanci a ginshikan samar da halittu da wanzuwarsu. Ba don wutar nan ba, da ni da kai da komai bai samu ba. Wuta  wata aba ce da ke samuwa sakamakon cudanyar kwayoyin zarra na iska da makamashi, haduwar wadannan kan haifar da zafi (heat) da kuma haske (light). A tarihin asalin halitta zamu ga cewa wuta ita ce ginshiki wajen canzawar kwayoyin zarra na farko mara sa rai. Kamar yadda muka gani cikin suratul fussilat Allah ya ce Q41:11 “Sannan ya daidaita zuwa ga sama alhali kuwa ita (a lokacin) hayaki ce” Allah ya fara kowacce halitta ne daga hayaki, wato wannan hayaki, binciken Kimiyya ya gano cewa shine hayaki mafi tsufa wato hayakin hydrogen (jinsin kwayoyin zarra na farko) domin ita ke da kashi 90% na yawan kwayoyin zarra a sammai da kassai. Wannan hayaki ya sami damar samar da halittun farko na taurari sakamakon dunkulewa waje guda a farkon lokacin halitta. Allah ya ce mana cikin Sutatul Anbiya Q21:30 “Shin wadanda suka kafirta ba su gani ce...
Read more

RUWAN DUFANA

Image
Allah ya ba mu labarin mutanen farko cikin suratul Ma’ida: Q5:27 “Karanta musu labarin ‘ya’ya biyu na Adam da gaskiya, lokacin da su ka bada baiko, sai aka karba da ga dayansu kuma ba’a karba da ga dayan ba. Ya ce ”lallai ne zan kashe ka” dayan ya ce “Abin sani dai Allah na karba da ga masu takawa ne”  Allah ya fara ba mu labarin mutanen farko da nuna cewa su na da addini na bautar Allah wanda har baiko (Sacrifice) su na yi. Dalilin haka domin karyata masana tarihin asalin rayuwa da ke nuna cewa mutanen farko ba su san addini ba, wai sai a lokacin mutanen shu’aibu (Habilis) ne aka fara bauta. A aya ta gaba: Q5:30-31 “Sai ransa ya kawatar masa da kashe dan’uwansa sai kuma ya kashe shi, sannan ya wayi gari da ga masu hasara. Sai Allah ya aiki wani hankaka, ya na tono a cikin kasa domin ya nu na masa yadda zai binne gawar dan’uwansa. Ya ce “Kaitona na kasa in kasance kamar wannan hankaka domin in binne gawar dan’uwana” Binciken masana kimiyya ya nuna cewa mutanen farko (Afaren...
Read more